بنت سيدنا عُمر بن الخطاب راحتله وقالتله انها مبتحبش جوزها وعاوزه تطلق منه 💔🛇
.. سيدنا عُمر ابتسم وكلمها بكُل هدوء وقالها هسألك ٣ أسئله مالهمش رابع .. وجاوبيني بكل صدق .. اول سؤال قالهولها : جوزك بخيل ؟! قالتله ابدًا والله مافيش اكرم منه عليا وعلي بيته .. قالها طيب : جوزك بيضربك او يشتمك ويهينك ؟! قالته ابدًا والله عُمره ما غلط فيا ولا داسلي علي طرف ولا جرحني .. وديمًا بيتكلم بالحُسني ! .. قالها طيب .. مبيقربش ليكي ؟! " العلاقه الحميمه بين الزوج ومراته مقصر فيها " ؟! قالته ابدًا والله مافيش ارحم ولا اهدي منه ولا عمره قصر معايا ! قالها ارجعي بيتك وعيشي لجوزك مش هتلاقي احسن منه ! 😋😍
الحُب مهواش كُل حاجه .. الحُب ساعات بيهينك ويقل منك لو مع شخص مبيحترمكش .. ياما بنات بتنام معيطه بعد ما بتسمع كلام زي السم وشتايم من اللي حبوه كل ليل .. الحُب من غير احترام ميسواش مليم احمر .. لو مع شخص مبيحترمكش قبل ما يكون بيحبك يبقي انت مع الشخص الغلط .. انسحب فورًا ! .. ربنا لما قال عن الحُب في القران الكريم : قال علي زوجة عزيز مصر .. " قد شغفها حُبا " حبت سيدنا يوسف بشغف وطلبت تزني معاه ! لكن لما ذكر العلاقه الصحيحه قال " وجعلنا بينكم مودة ورحمه " العيش والملح والعيال والعِشره والمواقف الصعبه اللي بتعرفك معدن اللي قدامك هي اللي بتوصل للموده والرحمه وبيخرج من رحم الموده والرحمه العشق والجنون ببعض لان في احترام بينكم .. ياما بنات معدتش ال ٣٠ وتحسهم عواجيز من خيبة امل قلوبهم وقلة بختهم في الحُب .. علشان كدا المثل قال " خُد اللي بيحبك متاخدش اللي بتحبه " لان اللي بيحبك وبيحترمك بجد عُمره ما هيجي عليك بالعكس هيبقي ف صفك وجيشك اللي تتحدي بيه العالم بحاله ! " في ناس الحُب بيحليها وناس الحًُب بيطفيها ! ربنا يرزقنا باللي يصغرنا ميعجزناش ويحقق لكل قلب ما يتمنى :)) ❤️! 🙌👏🙌🙌🙌🙌🙌🙌🙌🙌🙌🌺
ليست هناك تعليقات:
إرسال تعليق